Glam rock

Glam rock
Oríxenes musicales	Art rock, rock and roll, garage rock, jazz rock, rock sicodélicu, hard rock, blues, cabaré, bubblegum pop
Oríxenes culturales	Primer metá de los 70 nel Reinu Xuníu.
Instrumentos comunes	Guitarra llétrica, baxu, batería, saxofón, sintetizador
Popularidá	Alta nel Reinu Xuníu mientres la primer metá de la década de 1970.
Derivaos	Rock góticu, Post-punk, Punk rock, Oi!, New wave, Britpop, Synth pop, Visual Kei (solo Xapón)
[editar datos en Wikidata]

El glam rock ye un estilu visual dientro de xéneros musicales nacíu nel Reinu Xuníu, que'l so apoxéu tuvo llugar ente 1971 hasta la década de los 80. El so nome ye una apócope de la pallabra «glamour». ^[1] Nació nuna dómina na que'l rock sicodélicu derivó escontra unos estilos qu'abusaben del virtuosismu y los llargos desarrollos nos cantares, en perxuiciu de la frescura que podía atopase nel vieyu rock'n'roll.^[2] Por ello, munchos artistes, como Marc Bolan de T.Rex y David Bowie, empezaron a buscar esa espontaneidá perdida.^[3]

Dalgunos de los sos pioneros y máximos esponentes son David Bowie, Elton John, T. Rex, Gary Glitter, Roxy Music, Sweet, Slade, Queen, Kiss, New York Dolls, The Rolling Stones, Duran Duran, y dalgunes de los cantares más famosos son «Life On Mars?», «Ziggy Stardust» (dambes de David Bowie), «Get It On», «20th Century Boy» (dambes de T. Rex), «Rock & Roll part one», «Rock & Roll part two» (dambes de Gary Glitter), «Cum On Feel the Noize» de Slade (popularizada más tarde por Quiet Riot), «Fox On The Run» de Sweet y «Killer Queen» de Queen.

1. ↑ «Glam Rock». Encarta (21 d'avientu de 2008). Consultáu'l 28 d'abril de 2016.
2. ↑ «Glam Rock». Archiváu dende l'orixinal, el 31 d'ochobre de 2009. Consultáu'l 28 d'abril de 2016.
3. ↑ Reynolds, Simon (1995). The Sex Revolts: Gender, Rebellion, and Rock 'N' Roll. Serpents Tail, páx. 13.